डेभलपमेण्ट बैंकर्स एशोसिएसन नेपालको उपाध्यक्षमा चार्टर्ड एकाउन्टेन्ट सुयोग श्रेष्ठ नियुक्त

• सिए सरोकार सम्बाददाता

काठमाडौं । डेभलपमेण्ट बैंकर्स एशोसिएसन नेपालको उपाध्यक्षमा चार्टर्ड एकाउन्टेन्ट सुयोग श्रेष्ठ नियुक्त भएका छन् । चार्टर्ड एकाउन्टेन्ट श्रेष्ठ साङ्ग्रिला डेभलपमेण्ट बैंकमा प्रमुख कार्यकारी अधिकृत (सिइओ) हुन् । यस्तै बैंकर्स एशोसिएसनको अध्यक्षमा मुक्तिनाथ विकास बैंकका सिइओ प्रद्युम्न पोखरेल नियुक्त भएका छन् भने कोषध्यक्षमा कामना सेवा विकास बैंकका सिइओ प्रविण बस्नेत नियुक्त भएका छन् ।

सदस्यहरूमा भने लुम्बिनी विकास बैंकका सिइओ नरेश सिंह बोहरा, साइन रेसुंगा डेभलपमेण्ट बैंकका सिइओ प्रकाश पौडेल, ज्योति विकास बैंकका सिइओ श्रीचन्द्र भट्ट, सप्तकोशी डेभलपमेण्ट बैंकका सिइओ नविन सुवेदी र ग्रिन डेभलपमेण्ट बैंकका सिइओ उमेश कुमार आचार्य नियुक्त भएका छन् ।