समकक्षता एकाएक 'टाइट' ! अव प्लस टु पछि आइक्यान / आइसीएआईमा सिए पढ्नेले समकक्षता नपाउने !
- सिए सरोकार सम्बाददाता
'खासमा दिनुपर्ने नै स्नातक सकेर सीए पढ्न सुरु गरेकाहरुलाई मात्र हो । यो नियमको अपव्याख्या गरेर बीचमा कहिले समकक्षता लिए । तर अव त्यस्तो हुन्न ।' विश्व विद्यालयका एक पदाधिकारीले भने, 'प्लस टु सक्ने बित्तिकै सिए पढ्ने र ब्याचलर पास गरेको भरमा मास्टर्सको एक्युभ्यालेन्सी अव टियुले दिंदैन ।'
यद्यपी स्नातक सकेर सिए पढ्नेहरुले भने यो सुविधा पाउने बुझिएको छ । यसले विशेष गरी थुप्रै समय गाडी सिए पास गरेका तर, हालसम्म माष्टर्स नपढेकाहरुलाई असर पुग्ने भएको छ । बजारमा समकक्षता नै लिएर बैंकको सीइओ बन्ने अपेक्षा राखेकाहरुलाई टियुको यो कडाइले झन् समस्या थपिदिएको छ । पछिल्लो नियम अनुसार कुनै पनि क, ख, र ग बर्गका बैंक तथा वित्तीय संस्थाको सीइओ हुन स्नातकोत्तर वा सो सरह पास गरेको हुनुपर्छ ।
त्रिभुवन विश्वविद्यालयले केहि समय अघि एसीसीएलाइ दिंदै आएको समकक्षतामा पनि कडाइ गरेको थियो । 'एसीसीए र प्लस टु सकेकाहरुले बीबीएएसको समकक्षता टियुले दिने गरेको थियो । अहिले केहि समयका लागि त्यसलाई आन्तरिक रुपमा स्थगित गरिएको छ । यसलाई पनि पुन: दिन थाल्ने विषयमा अध्ययन र छलफल जारी छ । तर प्लस टु पछि नै सिए पढ्नेहरुलाई मास्टर्सको समकक्षता भने दिन सकिंदैन ।' टियुका एक पदाधिकारीले भने ।
प्रतिकृया दिनुहोस्
