बधाई छ ! चार्टड एकाउन्टेन्ट रोशन कुमार न्यौपाने एनआइसी एशिया बैंकको सीइओ नियुक्त, रचियो यस्तो इतिहास !

• सिए  सरोकार सम्बाददाता 

काठमाडौँ- एनआइसी एशिया बैंकका कामु सीइओ रहेका रोशन न्यौपानेले अन्तत: बैंकको सीइओको जिम्मेवारी पाएका छन् । बैंकको पछिल्लो बोर्ड बैठकले उनलाई बैंकको सीइओको जिम्मेवारी दिएको हो । केहि समयदेखि बैंकको सीइओ पद रिक्त थियो । लक्ष्मण रिसालले राजीनामा दिएपछि बैंकको सञ्चालक समितिले न्यौपानेलाई कामु सीइओ बनाएको थियो । उनी छोटो समयमा बैंकिङ क्षेत्रमा उदाएका र राम्रो प्रगति गरेका चार्टड एकाउन्टेन्ट हुन् ।

चार्टड एकाउन्टेन्ट रोशन न्यौपानेले नेपाल चार्टड एकाउन्टेन्ट्स संस्था (आइक्यान) बाट चार्टड एकाउन्टेन्सी अध्ययन पूरा गरेका हुन् । आइक्यानबाट सिए पास गरेर कुनै कमर्सियल बैंकको सीइओ भएका उनी पहिलो व्यक्ति हुन् । बैंक अफ एशिया बाट आफ्नो बैंकिङ करियर सुरु गरेका न्यौपाने इन्टरनल अडिट विभागको प्रमुख हुँदै बैंकिङ करियरमा अगाडी बढेका थिए ।